პატარა ეზო სულაც არ ნიშნავს შეზღუდულ შესაძლებლობებს. სწორად დაგეგმარებული სივრცე შეიძლება გახდეს იდეალური ადგილი დასვენების, სიმყუდროვისა და “საკუთარ თავთან სიახლოვისთვის”, მიუხედავად მისი ზომისა.

დღევანდელ ბლოგში გაგიზიარებთ  პრაქტიკულ რჩევებს დიზაინერისგან, თუ როგორ მოაწყოთ მცირე ზომის ეზო ისე, რომ მაქსიმალურად სწორად ავითვისოთ თითოეული კვადრატული მეტრი.

განსაზღვრეთ ეზოს დანიშნულება

დაგეგმარების პირველი და ყველაზე მნიშვნელოვანი ეტაპი არის მიზნის განსაზღვრა - რამდენად ფუნქციური უნდა იყოს ეს სივრცე:

• განსატვირთი სივრცე გსურთ?

• ოჯახური შეკრებების ადგილი?

• ბავშვებისთვის გასართობი ლოკაცია?

• თუ უბრალოდ მწვანე, დეკორატიული ზონა?

პატარა ეზოს შემთხვევაში რეკომენდებულია 1–2 ძირითადი ფუნქციის არჩევა, რათა სივრცე ზედმეტად არ გადავტვირთოთ.

ზონირება — პატარა ეზოს დიდი საიდუმლო

ზონებად დაყოფა ეხმარება ეზოს მოწესრიგებული და ვიზუალურად უფრო ფართო იერსახე ჰქონდეს და ეზოს ფუნქციურობას მნიშვნელოვნად ზრდის.
ზონების გამოყოფა შესაძლებელია:

• მიწის საფარის მოსაპირკეთებლად გამოყენებული სხვადასხვა მასალით

• მცენარეების განლაგებით

• განათების გამოყენებით

ვერტიკალური გამწვანება — სივრცის გაფართოების ხერხი

ეზოში სიმწვანე აუცილებელია - მიუხედავად იმისა, თუ რა ზომისაა ფართობი. როცა მიწის ფართობი შეზღუდულია, შეგვიძლია გამოვიყენოთ სიმაღლე:

• კედელზე განთავსებული მცენარეები

• ვერტიკალური ქოთნები

• მწვანე პანელები

 
ვერტიკალური გამწვანება არა მხოლოდ ეკონომიურია, არამედ ეზოს თანამედროვე და ცოცხალ იერს აძლევს. ვერტიკალური გამწვანება, არა მხოლოდ პატარა ზომის ეზოების მოსაწყობად გამოიყენება, არამედ აივნების, ტერასების და დიდი ზომის ეზოებშიც პოპულარულ გადაწყვეტილებად ითვლება.

ფერები და მასალები

ნებისმიერი სივრცის მოსაწყობად, ყველაზე მნიშვნელოვანი დეტალი ფერების სწორად შერჩევაა. ფერებს შეუძლიათ ვიზუალურად გაზარდონ, ან დააპატარავონ სივრცე. პატარა ეზოს მოსაპირკეთებლად მნიშვნელოვანია სწორად შევარჩიოთ ფერები და მასალები. ასეთ დროს რეკომენდირებულია:

• ღია და ნეიტრალური ტონები (თეთრი, ბეჟი, ღია ნაცრისფერი)

• ბუნებრივი მასალები — ხე, ქვა, ბეტონი

• მინიმალისტური ტექსტურები

გაითვალისწინეთ, რომ მუქი ფერები და მძიმე ელემენტები ვიზუალურად ამცირებს სივრცეს და ქმნის გადატვირთულობის შეგრძნებას.

 
კომპაქტური და ჭკვიანი ავეჯი

აირჩიეთ ავეჯი, რომელიც:

• იკეცება ან მრავალფუნქციურია

• არ იკავებს ზედმეტ ადგილს

• სასურველია გამოვიყენოთ ავეჯი ჩაშენებული სათავსოთი, რომელიც დაგვიზოგავს სივრცეს და ამასთან, გამოგვადგება არასაჭირო ნივთების შესანახად

 გაითვალისწინე, რომ დიზაინის სფეროში მოქმედებს შემდეგი პრინციპი: ნაკლები ნივთი — მეტი კომფორტი.

განათება — ერთ-ერთი მთავარი ელემენტი

განათება როგორც ნებისმიერი შიდა სივრცის, ასევე გარე სივრცისთვისაც ერთ-ერთი ყველაზე მნიშვნელოვანი დეტალია. სწორად შერჩეული განათება პატარა ეზოში გატარებულ საღამოებს განსაკუთრებულ ხიბლს სძენს. გამოიყენეთ განათება, არა მხოლოდ იმიტომ რო გქონდეთ სინათლე, არამედ იმისთვის, რომ შეიქმნათ დამატებითი სიმყუდროვე და სასიამოვნო გარემო:

• თბილი ნათების LED სანათები

• კედლის განათება

• მიწის საფარში და მცენარეებს შორის ჩაშენებული შუქები

მცენარეები

რა არის ეზო გამწვანების და მცენარეების გარეშე? თუმცა, როცა ვსაუბრობთ პატარა სივრცეზე, მნიშვნელოვანია რომ არ გადავტვირთოთ სივრცე სხვადასხვა სიმწვანით, რათა არ შევქმნათ ქაოტური ეფექტი. პატარა ეზოსთვის საუკეთესო გადაწყვეტაა:

• მცირე ზომის მცენარეები

• სხვადასხვა სიმაღლის კომბინაცია

• 1–2 აქცენტური მცენარე

მნიშვნელოვანია, მცენარეები არ კვეთდნენ სამოძრაო ბილიკებს, ან სივრცეს. ეზოში უნდა იყოს შესაძლებელი თავისუფლად გადაადგილება და ნავიგაცია. ხელმისაწვდომი უნდა იყოს ეზოს ყველა მონაკვეთი, რათა პერიოდულად შეძლოთ დასუფთავება და მოვლა.

პატარა ეზო შეიძლება იქცეს სრულფასოვან დასასვენებელ სივრცედ, თუ მისი დაგეგმარება გააზრებულად მოხდება.
სწორი ზონირება, მინიმალისტური დიზაინი და ფუნქციური გადაწყვეტილებები პატარა სივრცეს დიდ შესაძლებლობებად აქცევს.

დიზაინერის რჩევა: დაგეგმეთ ეზო ისე, რომ ის თქვენს ყოველდღიურ ცხოვრებას ემსახურებოდეს და არ ჰქონდეს მხოლოდ დეკორატიული ფუნქცია.

ჩვენს პროექტში - m² მთაწმინდის პარკთან, მაცხოვრებლებს ვთავაზობთ სახლებს სხვადასხვა ზომის ეზოებით და ტერასებით - მეტი კომფორტისთვის, მეტი სივრცისთვის, შორს ხმაურისგან და საკუთარ თავთან სიახლოვისთვის.

m² მთაწმინდის პარკთან ოქროყანაში, მთაწმინდის პარკის მიმდებარედ შენდება და მოიცავს 6 ხუთ სართულიან შენობას - სხვადასხვა დაგეგმარებით. ეს იქნება “საკუთარი ცხოვრებით ცხოვრების” ის განსაკუთრებული ადგილი, სადაც ყველანაირი პირობაა შექმნილი ჯანსაღი ცხოვრებისთვის, სიმშვიდისთვის და საკუთარ თავთან ჰარმონიისთვის.